Institut d'Estudis Occitans 84 - Provença Terra d'Oc/Institut d'Etudes Occitanes 84 - Provence Terre d'Oc

L'Institut d'Estudis Occitans de la Vau-clusa, Provença Terra d'Oc, es una associacion reconeiguda d'utilitat publica, que perlonga e desvelòpa dins lo despartament l'accion de l'I.E.O. nationau.

Es estat creat en 1974.

L'Institut d'Etudes Occitanes du Vaucluse, Provence Terre d'Oc, est une association reconnue d'utilité publique, qui prolonge et développe dans le département l'action de l'I.E.O. national.

Il a été créé en 1974.

Rendut Còmpte de l’Acamp Generau de l’IEO 84

Dau dissabte 15 de febrier a Carpentras

Presents : Gabrieu Simonet, Florença Usclat, Ania e Bernat Vaton, Maria Glaudia e Alan Reynaud, Romieg Blancon, Joan-Pau Farel, Celha Nicolas, Alina Ripert, Audrey Dumas, Rafèu Cuny, Ch. Fourniller

Poders : R. e A. Fournier, Laure Badaroux, Ana Maria e R. Vettoretti, Escola Calandreta (Julie Degueurce), Anne Bernet, J.L. Racouchot, R. Bonhoure, A. Teulade, G. Mathieu

RAPPORT D'ACTIVITATS 2024

Quinei son lei mejans per entretenir e faire viure la lenga ?

ACTIVITATS DE L’IEO VAUCLUSA :

 Emissions en provençau cò-animadas par l'IEO et Ben Lèu :

Emission ebdomadaria enregistrada dins lei locaus de Mix, radiò estudianta dau Licèu de l’Arc, Aurenja, e difusada 2 còps per setmana sur 89,5 FM e sus quauqueis autrei radiòs (RTV Carpentras, Soleil FM, Friendly, Nissa Pantai, Radio Lenga d’Oc, Radio Pais, Radio Albi, Radio Occitanie)

Una autra emission mensuala sus RTV Carpentras permet de donar d’informacions sus l’actualitat de la region (ActuOc – Les nouvelles de Provence) e i avèm convidat de membres de l’Escolo dou Ventour que donan seis informacions tanben.

En mai, aquesta radiò fa passar l’emission de Mix sus son site

 Entreten d’un site bilingüe et d’una pagina facebook associada (www.ieo84.com)

Es un biais de nos balhar de visibilitat.

 Lenga, ensenhament

* Cors de lenga : assegurats un còp per setmana a Aurenja (B. Vaton, Ch. Fourniller) dins lei locaus de la Calandreta, a gratís e adreiçats tant ai parents come ais adultes d’en defòra. Lei ensenhaires de l’escòla son a chifrar sus la mesa en plaça de cors que tocarián justament lei parents

* Escòlas Calandretas : Aurenja e Vauriàs

* Fasèm çò que podèm per lei sostener : comprar dei libres, donar d’argent...

 Mòstras : Lei doas mòstras (leis aucèus, leis insèctes) son estadas installadas, caduna per quauquei setmanas au Licèu de l’Arc, apres rescòntre amé lo provisor, sénher Carli, e la responsabla dau CDI, dòna Ambroggio. Siam estats reçauputs a braç duberts e l’ajuda a pas mancat per installar e descrocar lei mòstras.

Lei collegians, en mai dei liceans, son venguts lei dos còps e avèm agut la crespina per la mòstra sus leis aucèus de beneficiar de l’intervencion d’un ornitològ, Guilhem Vaton, ex-calandron en mai, donca que parla la lenga. Prenguèt la pena de preparar seis intervencions per rendre lei causas agradivas. Osca e un grand mercé !

Ansin nos an felicitats per la qualitat de tot aquò.

 Traduccion de libres per enfants :

Contuniam de revirar en provençau rodanenc lei libres per enfants.

Etapa 1 : traduccion, etapa 2 : lo texte es mes ai dimensions dau libre, etapa 3 : descopatge e pegatge dau texte sus lo libre. 

Totei lei bònei volontats son benvengudas...

 Tanben, coma cada annada en setembre, l’associacion participèt au Foròm deis associacions d’Avinhon, organisat per la Comuna Comme chaque année, en septembre, l’association a participé au Forum des associations d’Avignon, organisé par la Ville.

 Una activitat mensuala de cant : ataliers (a Carpentras, en còp de Ch. Fourniller) per trabalhar la polifonia dins lei cants tradicionaus. Un biais d’emplegar la lenga.

ACTIVITATS AME D’AUTREIS ASSOCIACIONS :

1. Participacion au foncionament de l’Oustau de la Culturo Prouvençalo :

Gabriel Simonet e Florença Usclat an assegurat lo liame am’aquela associacion, çò que nos a permes d’accions comunas. en particulier una preséncia dins la Setmana de la lenga e de la cultura provençala a Avinhon en liame amé la Vila. Per aquò reçaupèm una ajuda financiera de la comuna que favorisa la mesa en plaça dei projècts.

Aquest an, l’Institut d’Estudis Occitans aviá previst :

a. Conferéncia :

Una conferéncia a prepaus de Frederic Mistral, que festejam aquest an, per Felip Martel, istorian, Professor onorari d’occitan a l’universitat Pau Valéry de Montpellier, istorian, especialiste de l'istòria deis espacis de lenga d’Oc.

(autor de : les Félibres et leur temps, Renaissance d’Oc et opinion – 1950-1914 – Presses Universitaires de Bordeaux, 2010)

Luòc : sala de l’antichambra de la Comuna

b. Espectacle per enfants : "Gripeton e Lei Sasons / Gripetoun e li sesoun amé Liza

Aquest espectacle interactieu (d’environ 35mn) es sostengut per lo Felibritge e l’Istitut d’Estudis Occitans 13, seguís l’istòria de Gripeton que descuerbe lo ritme dei sasons. En camin, rescòntre una dormilhosa, una granolha e un parpalhon.

Cònte musicau amé de cançons e una narracion bilingua (provençau-francés) aisada de seguir e comprendre.

Lei votz e lei melodias de Liza son acompanhadas au pianò per Patrick Cascino e diferents instruments.

Luòc : Mediateca Ceccano

c. Exposicion : La Provença de Mistral

Aquesta mòstra (prestada per lo CIRDOC) fa lo ponch sus la vida e l’òbra de F. Mistral, dau locau a l’universau.

Prepausada en occitan, en grafia mistralenca e en grafia classica, presenta, en parallela ai contenguts de descuberta, quauquei mòts de vocabulari en bas de panèu, ne’n faguent un supòrt pedagogic a disposicion dau grand public e deis ensenhaires.

Un ensems de fichas en format A4 es tanben prepausat per acompanhar lei non-occitanofòns dins sa descuberta de F. Mistral.

En mai, R. Blancon a organisat 2 visitas guidadas de la mòstra, la premiera aguèt de succès, la seconda un pauc mens. Mai l’idèia es de gardar.

Lieu : Mediateca Ceccano

d. Concert : Pantai en Còr

Aviam pas previst de tornar faire venir lo grop, mai l’Oustau de la Culturo nos demandèt de lo prendre en carga, çò que fagueriam. 

Se debanèt ben, amé un pauc mens de monde que l’an passat (meme grop, meme contengut).

2. BEN-LEU :

S’entrava de l’ajuda ai collegians e liceans qu’an causit lo provençau.

Assaja d’ajudar lei professors (collègi, licèu) dins sei projècts pedagogics :

crompa de libres per lo CDI, ajuda financiera tant que se pòu.

A plus ges d’ajuda dau Consèu Despartamentau.

3. Enfin L'IEO participa au Foròm d’Oc (que recampa totei lei personas moralas, associacions, collectivitats localas, administracons, entrepresas...), que se tenguèt aquest an a Marselha. 

Vòte favorable

II. BILAN FINANCIER per 2024

Lo còmpte de resultat 2024 es en annèxa 1 a la fin. Se volètz mai de precisions, aguetz pas paur de lei demandar.

Vòte favorable

III. LEI PROJECTS

1) Setmana Provençala a Avinhon : dau 27 de setembre au 5 d’octòbre

Avèm previst :

* un concert : Ajaproun

amé Emmanuelle Aymes. Concert a doas votz sus un repertòri cantat en provençau e en italian, acompanhat a la guitarra e ai percussions.

Luòc : lo clastre Sant Lois ?

* una mòstra : « La piada de l’òme dins l’environament »

Fargada per A. e B. Vaton, un mejan de mostrar çò que podèm faire per ameliorar la qualitat environamentala d’un bastiment e redusir ansin la piada environamentala.

Se podriá installar a la mediateca Ceccanò

* Un espectacle de mariòtas : Rafèu Cuny a presentat aquest espectacle a Vauriàs davans un public d’enfants e se passèt fòrça ben.

Aquò tanben podriá se faire a la mediateca.

2) Projèct de Jonquieres :

Sovetam rendre visibla la lenga dins un luòc public, l’anciana gara de Jonquieres, sus la Via Venaissia, gracia a de panèus relatius a quauqueis aubres e a la traduccion en provençau dau menut dau cafe-restaurant installat dins aquesta gara.

En fach la frequentacion dei piedons e dei ciclistas, la pausa eventuala a la gara donariá l’escasença ai gents de descurbir la sinhaletica deis aubres.

En mai lo menut es jà revirat e acceptat per lei gerents de la gara, autre biais de sensibilisar la clientela.

Nòstra tòca :

ramentar que nòstra lenga regionala es lo provençau e que pòu s’integrar dins la vida quotidiana en la rendent visible de totei lei biais.

3) Radio Trafic

Ania Vaton prepausa d’anar veire aquesta radiò amé una proposicion de « jingle » en provençau.

4) Lei mòstras : 3 a l’ora d’ara

Assajar de lei faire virar puslèu en rescontrant lei responsables dei bibliotecas, ne’n parlar au CIRDOC...

Vòte favorable

Trobaretz apres lo còmpte de resultat lo budget previsionau (annèxa 2)

V. Eleccion dau Consèu d’Administracion

Adesions : 30 e (individuau) – 40 e (cople) – Associacion 50 e

Membres : Romieg Blancon, Jean-Paul Farel, Cécile Nicolas, Bernard Vaton, Rafèu Cuny, Chantal Fourniller.

Lei membres dau burèu son  :

President : Romieg Blancon

Clavaire : Bernard Vaton

Secretària : Chantal Fourniller

RADIO : Podètz escotar l'emission en provençau e frances enregistrada per l'associacion Ben Lèu sur Mix, radiò estudianta dau Licèu de l'Arc (89.5) : "As ben parlat, mai... de qu'as dich ?"   (cf dins lo menut "Activitats" : radiò)

Aquesta emission es tanben difusida per d'autrei radiòs (RTV Carpentras...). Ne'n siam a  mai de 300 emissions

D'un autre costat, la mema còla es  un còp per mes sus l'antena de RTV Carpentras (102.2), de cotria amé l'Escolo dóu Ventour, per l'emission ActuOc, que presenta leis actualitats dau mes, un grop de musica e rend còmpte dei sortidas de libres, CD...

Vous pouvez écouter l'émission en provençal et français enregistrée par l'association Ben Lèu sur Mix, radio étudiante du Lycée de l'Arc (89.5) : "As ben parlat, mai... de qu'as dich ?"   (voir dans le menu "Activités" : radio)

Cette émission est également diffusée par d'autres radios (RTV Carpentras...). Nous avons dépassé les 300 émissions

D'autre part, la même équipe est une fois par mois sur l'antenne de RTV Carpentras (web radio à l'heure actuelle), avec la collaboration de l'Escolo dou Ventour, pour l'émission ActuOc, qui présente les actualités du mois, un groupe de musique et rend compte des sorties de livres, CD...

Avèm de prestar 2 mòstras :

una sus leis insèctes

una sus leis aucèus

Veire lei detalhs a la pagina : accions

Nous avons deux expositions à prêter :

une sur les insectes (ci-contre : CDI du Lycée de l'Arc- Orange)

une sur les oiseaux

Voir les détails à la page : actions

SERVICE DE LA LANGUE :

Si besoin, nous pouvons vous aider à trouver la traduction d'un mot, d'une expression..

Il faut simplement nous joindre grâce au formulaire de contact en précisant bien votre demande.